Ramazan ayının əvvəlindən hər gün Məscidül-Harama təxminən 1 milyon ziyarətçi gəlib.
Hafta.az-ın yazdığına görə, bu barədə Məscidül-Haram və Məscidi Nəbəvi İşləri Baş İdarəsindən məlumat verilib. Qeyd olunub ki, rəhmət mühiti olan Ramazan ayının ikinci yarısına qədəm qoyduqca bu rəqəmin daha da artacağı gözlənilir. Məlumatda həmçinin dünyanın hər yerindən milyonlarla ümrə zəvvarını qəbul etməyə hazır olduqları vurğulanıb.
Məscidül-Haram və Məscidi Nəbəvi İşləri Baş İdarəsi bəyan edib ki, Ramazan ayının əvvəlindən bu yana Məscidül-Haramda ümrə ziyarətçiləri də daxil olmaqla, ibadət edənlərin sayı 9 milyon 358 min nəfərə çatıb. Bununla yanaşı, Məscidül-Harama gələnlərə, o cümlədən Ümrə ziyarətçilərinə və qonaqlara daha keyfiyyətli xidmət göstərmək üçün maksimum səy göstərilir.
Bu işlər çərçivəsində 508560 zəmzəm paketi, buklet və broşürlər paylanılıb, 719500 nəfərlə rəqəmsal maarifləndirmə aparılıb, 982154 nəfərə könüllü xidmət göstərilib.
Ramazan sərgisindən 118130 nəfər faydalanarkən, 45560 nəfərə təvaf xidməti göstərilib.
Təxminən 12,4 milyon litr zəmzəm suyu sərf edilib, 47500 litr əl dezinfeksiyaedici, 46500 litr robot sterilizasiyası, 44500 litr biokare və 320800 litr səth sterilizasiyasından istifadə edilib.
Gənc ziyarətçilərə 9497 qolbaq paylanarkən, 249906 nəfərə sosial və humanitar yardım, 653369 nəfərə müxtəlif dillərdə məkan bələdçiliyi göstərilib.
Məscidül-Haram və Məscidi Nəbəvi İşləri Rəyasət Heyətinin Statistika və İnformasiya Mərkəzi ümrəni asanlaşdıran xidmətlər sayəsində bu il Ramazan ayının ilk 10 günündə ümrə ayinlərinin orta müddətinin 104 dəqiqə olduğunu açıqlayıb.
Milyonlarla müsəlman MəscidülaHəramın təvaf bölgəsindəki səhnələrdə gecə-gündüz təvaf edir. Güvən və əmin-amanlıq mühitində ümrə zəvvarları öz ibadətlərini yerinə yetirmək üçün Kəbəyə axışırlar.
Məscidül-Haram və Məscidi Nəbəvi İşləri Ümumi Müdirliyi, gündəlik milyonlarla insanın Ümrə və namaz qılmaq üçün axınının önündə maksimum ziyarətçinin qəbulu üçün Məscidül-Haramda 3-cü genişləndirmə işlərinə başlayacağını açıqlayıb. Rəhmanın qonaqlarının xidmətində çalışan təşkilatlar Ramazan ayının mənəvi və dini atmosferində daha yaxşı xidmət göstərmək və ibadət ayinlərini asanlaşdırmaq üçün müxtəlif dillərdə xidmətlər göstərir. Məscidül-Haram və Məscidi Nəbəvi İşləri Baş İdarəsi bazar günü öz hesablarında müxtəlif dillərdə xidmətlərə başlayıb. Baş İdarə yanında Tərcümə və Dillər Katibinin müavini Əhməd əl-Həmidi, təşəbbüsün mötədil yanaşma əsasında həqiqi din mesajının çatdırılmasına yönəldiyini söyləyib. “Dünyadakı müsəlmanlar bir çox dillərdə moizə və mühazirələrə baxa və göstərilən xidmətlərdən yararlana bilərlər. Rəhmanın qonaqlarının mübarək torpaqlara səfərini asanlaşdırmaq, ibadətlərini tamamlamaq və öz ölkələrinə rahat qayıtmalarını təmin etmək üçün xidmətlərimiz davam edir", - o, deyib.
